الحياه

جوايا كلمة والف حرف منتورين
متجمعة وحبة جروح وسط القوافى مخنوقين
ياحرف مالك , فرقة وبعاد و حزن وشجن
لا نثر جامعك ولا شعر وازنك ووقت الشجن متجمعين

انا مين

قالتلي كلامك جميل فيه احساس وروح ٠ قلتلها احساسك جميل علم لساني الكلام والبوح

القلب نابض بيرقص بس اللسان عاجز

٠٠٠ احساس بصوتك وهمسك في ودنى بس بينا مليون حاجز

٠٠٠ الحب جوه القلوب ولابيتشاف في العيون والكلام ...

لولا الفراق والوجع لا سمعنا صرخة ولا حتى اهه وتفعيلات وروى وجائز

حلاوة روح

أمانه عليك يا موت ماتيجي علي غفلهً
وانا أوعدك مش هغير جلدي ولا هستخبه.
مش هقاومك , لا معايا سيف ولا في ايدي حربه
. مش باكي ع الدنيا ولا كان ليا فيها عزبه
.. انا لا خايف منك ولا حتي بينا صحبه
... اخدت من الدنيا كتير بس لسه بينا حسبه

ده ينفع وده مينفعش

هى الحياة مالها كده بقت رخمه

.. حتى الكلام بقى كتير اوى وزحمه

... ماهى نظرة ممكن تكفى وتزيد

.... تكسر هموم وتبنى فرحه

**********

... قلوبنا بقت عالة علينا ولا احنا اللى نسينا مكانها؟

... هو ليه كلام الحب لازم يمزك ويتلحن؟

يعنى لو طلع هادى ورزين مش هيوصل؟ صحيح حاجه تزهق

اللى قلبه يحركه قلبك على لسانك قوله حتى لو لنفسك واوعى تعلى صوتك بصراخ لان الصرخه عمرها قصير
متوزنش حروف ولا ترتب كلام ولا تعمله غنوه
.. خلى كلامك من غير ميزان مترتبوش كده زى الطريق مش مستقيم
مستنى متعرفش اول يمين هيقابلك ايه وهتلاقى مين عشان متلاقيش فرصه ترجع ولا حتى تحس بملل

************************

بقيت عروسه بتحركها خيوط

......خيوط فى ايدى وخيوط فى رجلى بس خيط القلب فين وخيط العقل فين ؟؟؟

وفين خيط ضحكة شفايفى ونبضه جفونى!!!!!

مش عارف ابص يمين او حتى شمال .......

عروسه خشب على كبير بترقص وحدها بس حاسس بصوت جمهور

وحاسس بنفس ودموع بتنزل

وحاسس كتيير مش عارف دى روحى ولا دى الايد الخفيه اللى ورا الكواليس

متقولش انسان ومتقولش انا بشر ٠

ماخدتش من طبعهم غير الخوف ولسانك بيتكلم لكن في القلب حجر

٠٠٠ ياشهيد روحك سعيده عملت اللي مقدرناش نعمله

ده كفايه عليك صرختك وكلمتك للظلم ليه وخروج الروح ده قدر ٠٠٠

كان زمان اللي يقول حكومتنا غلط نقوله عيب ميصحش ٠

كلنا صرخنا وقلنا ده ظلم والساكت مننا اخرص مبينمش ٠

يا ارض الخوف ماليكي سكك ولا دروب

مفتحك كتر خوفه اتعمي واصبح ضرير بصيره مبيحسش

....

هتعمل ايه يعني لو الدايره كبرت او قطرها قل ٠٠

مانت قاعد بتتفرج ده مات شهيد وده عايش ومش لاقي للظلم حل

٠٠ دي صرخه جريح ودى ام علي ابنها الشهيد بتنوح ٠

ياروح شهيد بتتسحب حظك كده احسن من بشر ف الخوف عايشه وع الظلم بتتفرج

بس هتعمل ايه انت يا مسكين
٠٠٠ ياتقفل عليك قلبك يساعك وتسد عليها كل منفذ يا تفضل زى الشجر مكشوف عشان تدارى غيرك
ولو جزور الحب حمياك فروع ودك هتميل وثمارها هتطير

فى حد شاطر فى الحساب والجبر!!! 1+1=1 بالحب والصبر....1/1 = 1 ضعيف فى قانون الحرب ... 1*1 = 2.123456 (حبيبين فى بيت) يسوى اعداد كتير لو الواحد عشة مش قصر .................................. بمناسبة الحسابات والعد هو انا كام مره قلتلك بحبك ؟؟؟ كام مره فى اليوم وكام مليون مرة فى الشهر؟؟؟؟

لمحت صورته قلبى ارتجف ...

مسكت قلمى وكتبت كلمه واتنين وحبرى جف ....

عنيا دمعت لما افتكرته وقلبى رق .....

ونزلت دمعه واتنين وداب الورق وخف ....

عجبى !!!!

************

فضلت ارخى فى الخيط اللى مابينا وانا بتبعك...

وافتكرت انى مش ممكن اسيبك او اجرحك ....

ده انت ماسك خيط تانى غيره ويا خسارة سنينا ....

تصدق حتى الخيط اللى فى ايده كمان سيبتهولك يمكن ينفعك ..............

برده أأأهات وعجبى

مش مهم يكون شعر عشان تغنيه ....
او نثر جمل يشغل وقتك او يسليه ...
ولا لوحة ورسم تشوفه يعجبك تعلقه او حتى ترميه ...
دى حاجات كتير جربها واسرح فيها كتير هتعرف انا قصدى ايه
من الاغانى والرسم بالكلام والشعر واللى اعرفه واللى كتبته واللى حتى مخبيه

فكره مجنونه:
الحب فى قلوبنا زى الجنين فى ايدك ترعاه وفى ايدك تجهضه ..
فى ايدك يطلع هزيل وفى ايدك بدخان ضعفك وعقلك تمرضه ....
بس ده لا فى منه طفل انابيب ولا ولا حضانات ده فى بيضه مقفوله يا صابت يا خابت ...
***
اجمل مافى الحب انك متركزش معاه
وتستناه
لما يكبر يا ولد يافت يقف جنبك
يابنت شقيه تسعدك
يا اما عيل ابن كلب يخلص فيك كل اللى عملته فى شبابك

*******

ترجم مشاعرك لما الحروف توجعك
٠٠٠ ترسم حروف حروفك لو حتي نثر مش لوحه لو للحياه هترحعك ٠٠٠
لو حد فهمك او حتي حسك يلمس فى جوفك جرح ووجع ٠٠ ٠٠
مش برده السكوت احسن؟ ٠٠٠٠

************

لو حافظ نكت كنت كتبتلك نكته ٠٠٠
ولو ليا فى الرسم كنت نحتلك تحفه ٠٠٠
صوتى وحش معرفش اغنى ومش شاعر ولا قصاص كنت عملتلك غنوه ٠٠٠
حظك وحش
بس بدعيلك وربنا يستر وتيجى كده سلامات او حتى اخرتها زى اولها


يعني الكلام يا اما يكون فى الحب يا إما حزين ٠٠٠
ومالها الكتابه لو فضفضه من غير رسم وتلوين ٠٠٠
مش هكتب فى كل جمله بحبك بس هفضل كده طول السنين٠٠٠
لو عجبك كلامي خبيه ولو معجبكيش اوعى تقريه
-----------------------

عملت من القلم ابره ومن الحروف خيط حرير وكاني بغزل لنفسي هدمه
٠٠٠ مره يطلع قميص ومره بدله
٠٠٠ اتارى الكلام عكس الهدوم
يفضح اللى تستره الهدوم لا الكلام بيخلص ولا الهدوم هدووم

......................................

متيجى يا بكره نبقي اصحاب تبوح بسرك وانا اخبيه ٠٠

ياسلام عليك لو تعدى بسلام وهدوء ٠٠

تبدى بشمسك الصافيه وتروح بليله وسما بتلمع بالنجوم ٠٠

متقلش عليا خايف ولا هقول عليك بالغدر مسكون

ءءءءءءءءءءءءءءء
بس انا خايف حتى لو هنسي بكره ٠٠٠
خايف من الصدمه ومش خايف من الموت ٠٠٠
خايف من الضحكه عشان مش هتطول ٠٠٠
خايف من الدمعه عشان مش عارفها لمين

يعني الكلام يا اما يكون فى الحب يا حزين ٠٠٠
ومالها الكتابه لو فضفضه من غير رسم ولا تلوين ٠٠٠
مش هكتب فى كل جمله بحبك بس هفضل كده طول السنين٠٠٠
لو عجبك كلامي خبيه ولو معجبكش اوعى تقريه

لو حرف فى كلامى نقص مش هكمله حروف الكتابه يا تتمسح كلها يا الورق يتقطع ٠٠٠ ولو الكلام خرج من اللسان اهه خرج مع النفس يا تسمع يا متسمعوش وبرده مش هيرجع ٠٠٠ مش كده ولا احنا غير الناس

لو حافظ نكت كتبتلك نكته ٠٠٠ ولو ليا فى الرسم كنت نحتلك تحفه ٠٠٠ صوتى وحش معرفش اغنى ومش شاعر ولا قصاص كنت عملتلك غنوه ٠٠٠ حظك وحش بس بدعيلك وربنا يستر وتيجى كده سلامات او حتى اخرتها زى اولها

سؤال سخيف هو العمر وحده قياسه ثوانى ولا سنين ٠؟ ليالى ولا ايام ؟ ليه كلام الاغانى حزين ويتلحن؟ مش برده فى النهايه لحن بيرقص فرقت ايه رقصك طرب ولا من الوجع بتترنح؟ من لوبرجل واحده هحجل وممكن تقول سعيد بيترقص؟

مش قلتلك انى انسان بفرح زيك كده بالكلام بفرح وادندن واغنى واهمس واقول ده غرام

عملت من القلم ابره ومن الحروف خيط حرير وكاني بغزل لنفسي هدمه ٠٠٠ مره يطلع قميص ومره بدله ٠٠٠ اتارى الكلام عكس يفضح اللى تستره الهدوم لا الكلام بيخلص ولا الهدوم هدووم

ده خروج عن النص مش اكتر .. اوقات كتير الكلام بيغلبنا ... ده من ضعفنا مسلسلات وبيها نتاثر .... ووبنرسم الحب مركب تودينا وتجيبنا ..

يا كلام الفرح والهزار والفرفشه انا فى عرضكم الناس هتقول عليا كلام وحش ونكد ولا انتم ايه رايكم مش برده احسن من الخرف

فضل يغازل في الحروف عمل منها بيوت وقصايد غزل ونسي ان كان بيحبها وقصده في كلامه وصفها وهي حرف في كل كلمه وصلها حتي الكلام القديم اللي اتكتب كان لحن اسمها معقول يعرفها من زمان كده؟؟؟؟؟

بحبك من زمان اوي قبل الكتابه والحروف اكيد تفتكر كنا نطرب من النظر والنفس يخرج من جوانا لحن وفرح وضحك وشجن مش كنتي بتحسيني اكتر ولا ده كان حلم وخيال
مكعبات .......... المستطيل ده اودتي والمربع ده المزرعه والمثلث ده شرفتي والدايره دي وحدتي والخط ده للسور والسهم ده بوصلتي بس للاسف دايما يشاور عليكى ولا عشان في الناحيه الشمال.,.......... ها صدقتي ولا اهرتل كمان

جمع حروف اللغه قدامه صف ..... فضل يفكر ويرتب حرف ورا حرف..... دو غنوه حلوه موزونه حروفها متكرره .. وده احساس حروفه متبعتره .... دي كلمه لحبيبي وده جواب غزل ودي عشانك ودي عشانها ....... استنوا انا نسيت حاجه

والله حلو الخوف ده اول مره ارتبكت وافتكرتك تاتي افتكرتك وبعدين ارتبكت تالت مره افتكرتك وجريت عليك وارتحت

الظلم

الألف الاف من الناس واقفه تتفرج ٠ واللام كلام وشجب بس كلام وعلي اللسان مش بيتخرج ٠ وال ظل لو فوق راسك شمس حاميه ملوش وجود ٠ والميم ختام لو صرخنا وخرجنا وبطلنا نتفرج ٠٠٠ واهات ومليون عجبي